طالب جديد

🫧 نظرة عامة عن التخصص

بدايةً، طب الأسنان هو عبارة عن تخصص مُجزّأ لـ 193 ساعة مقسومة على 5 سنوات دراسية ، إضافةً إلى سنة سادسة امتياز 🌟

"التخصص مثل ببجي، البقاء للأقوى 😂"

🫧 شو رح ندرس خلال هاي الخمس سنين؟

السؤال اللي الكل بسأله، شو رح ندرس خلال هاي الخمس سنين؟ الجواب سوف يأتيكم تباعًا وبالتفصيل، وقولوا عنّا عاطلين 😂

📍 السنة الدراسية الأولى

أول اشي خلينا نحكي بشكل سريع عالفصل الأول، خلال الفصل الأول رح ينزلك 19 ساعة "طبعًا بكونوا موزعات على مدار الأسبوع مش بس طول الفصل 🌚" وهي عبارة عن مواد مُشتركة مع باقي المجمّع الطبّي.

المواد بشكل عام سهلة، لكن مش لإنها سهلة انت لازم تهملها! بالعكس لازم تتبع بالمحاضرات وتدرس أول بأول، وخاصة مادتين الأناتومي والبيولوجي لأنهم بأسسوك لمواد في الفصول القادمة.

بالفصل الثاني برضو بتكون المواد مشتركة مع الطب وباقي التخصصات مع وجود مادة خاصة في طب الأسنان وهي الافتتاحية للتخصص "ويا خير افتتاحية مع الغالية 😂" اسمها مقدمة ومصطلحات طبيّة لطب الأسنان.

المادة سهلة بس بدها متابعة من الكتاب المقرر للمساق، أما المواد المشتركة مع الطب فرح تشوفوا إنه المواد رح تزيد صعوبة شوي لكن طبعًا انتو قدها وبإذن الله بتشوفوها سهلة عليكم 💪🏻

📍 السنة الدراسية الثانية

بهاي السنة أيضًا رح تكون أغلبها مواد مشتركة مع باقي التخصصات، لكن بالفصل الأول رح تاخدوا مساق علم الأجنة والتشريح السنّي 1 مع مختبره، وهو مساق سهل بحكي عن شكل الأسنان بالتفصيل المُمل، ومختبره ممتع فيه رسم ونحت للأسنان.

وبالفصل الثاني رح يكون في علم الأجنة والتشريح السنّي 2 و علم الأنسجة الفموي.

الأجنة 2 هو مُكمّل لأجنة 1، بينما علم الأنسجة الفموي بحكي عن أنسجة الفم بشكل تفصيلي، وهو مساق سهل بس برضو بده متابعة أول بأول.

ومختبره جدًا جميل وهو المُفضل للطلاب (محتوى ستريكات وهيك) حيث بتصيروا تشوفوا الأنسجة تحت المايكروسكوب وترسموهم وبتمتحنوا فيهم بالنهاية (وهاد الجُزء المكروه للطلاب 😉).

📍 السنة الدراسية الثالثة

وأخييييرًا استقلينا عن كلية الطب وصرنا ناخد بس مواد خاصة فينا 😂😂😂

هاي سنة الـ Pre-Clinical واللي بناخد فيها مواد نظرية كلها متعلقة بطب الأسنان، إضافة إلى مختبرات واااجد.

هاي المساقات جدًا مهمة، وبهاي السنة رح تصير تشتغل على أحدث الأجهزة اللي مش موجودة بأي جامعة عربية غير جامعتنا، يبقى انت رسسسسسميًا صرت دكتور أسنان 😂🔥

📍 السنة الدراسية الرابعة والخامسة

هدول سنين المرحلة السريرية، وإذا بتفهمش غير إنجليزي يعني clinical 😄

وهم السنوات اللي بتصير تشتغل فيهم على الناس الطبيعية وشغل العيادات، وهون رح تثبت جدارتك وإبداعك (المال الحلال اهوو 😆)

🚨 بخصوص الاعتراف

التخصص حاليًا معترف فيه بفلسطين والداخل المحتل، وقريبًا هيكون معترف فيه أوروبيًا وعالميًا دونت وري 🚨

📌 جدول العلامات والتقديرات

🎓 التقدير حسب المعدل التراكمي

📝 ملاحظات مهمة

النجاح يبدأ فعليًا من تقدير D فما فوق، أما D- و E فيعتبران رسوب.

كل علامة حرفية إلها قيمة رقمية، وهاي القيمة بتدخل في حساب المعدل الفصلي والتراكمي.

فهمك لنظام العلامات من البداية بيساعدك كثير في متابعة مستواك الأكاديمي وتحديد أهدافك خلال الفصل.

🟢 المساقات اللي وزنها 3 ساعات

معكم تغيبوا 6 ساعات بعذر و 6 ساعات بدون عذر.

يعني إذا المحاضرة مدتها ساعة ونص، بكون معكم 4 مرات غياب بعذر و 4 مرات بدون عذر.

🟢 المساقات اللي وزنها ساعتين

معكم تغيبوا 4 ساعات بعذر و 4 ساعات بدون عذر.

🟢 المساقات اللي وزنها ساعة

معكم تغيبوا ساعتين بعذر و ساعتين بدون عذر.

🟢 بخصوص المختبرات

مختبر الساعة: غيابين بعذر، وغيابين بدون عذر.

🟩 ملاحظة مهمة بخصوص المختبرات

في علامة على التجارب، وبصير لازم تعوضوهم إذا غبتوا.

يعني فكرة الغيابات بالمختبرات نظرية أكثر، أما عمليًا فالأفضل جدًا ما تغيبوا إلا للضرورة، لأنه غالبًا بالكثير تغيبوا عن تجربة واحدة، وإذا ما تعوضتها رح يأثر عليكم.

🤔 من وين بنشوف غياباتنا؟

من خلال زر البرنامج الموجود في الصفحة الرئيسية، وبعدها بتختاروا عرض نصي للبرنامج، ورح يكون موجود عدد غياباتكم بالتفصيل.

❗ شو بصير إذا خلصتوا غياباتكم؟

بنزللكم حرمان على الزاجل.

وقتها لازم تتواصلوا مع الدكتور وتبلغوه بعذركم لإزالة الحرمان.

وإذا الدكتور ما قبل يساعدكم بإزالة الحرمان، بتنحرموا من المساق وبتضطروا تعيدوه 😶‍🌫️